香港小姐2026｜12位佳麗湖南外景圓滿結束 馮盈盈黃嘉雯陳懿德送貼心禮物

香港小姐2026｜《2026香港小姐競選》的湖南外景之旅日前已圓滿落幕！12位佳麗經過連日來相處，彼此間的感情有增無減。今次行程有馮盈盈、黃嘉雯及陳懿德三位師姐隨團「加持」，貼心的師姐們除了向師妹傾囊相授，還各自精心準備了實用小禮物！

 一向心思細密的馮盈盈，在出發前觀察到有佳麗被蚊叮蟲咬，於是特意為大家送上電蚊拍！她搞笑又溫馨地表示：「因為注意到10號（陳梓穎）畀蚊咬咗好多包，所以買咗一個電蚊拍守護大家，做鮮血守護者。」而9號佳麗周芳姿因為廣東話不夠流利，在拍攝時經常需要工作人員糾正發音，內心感到非常不好意思。幸得師姐盈盈及時開解，周芳姿感激表示：「盈盈師姐開解我，話大家都好樂意見到我有進步，叫我自信啲面對鏡頭。」

港姐外景拍攝早出晚歸，如何隨時保持最佳狀態絕對是一大學問。德德（陳懿德）就為一眾小師妹送上「去水腫神器」，她透露：「送咗黑朱古力、茶包同維他命，早上飲去水腫，同埋保持身體健康。」除了生理上的保養，德德更傳授了超實用的選美技巧，她說：「建議佢哋平時寫低每日發生嘅事同感受，將來有訪問可以用，呢個都係之前有個師姐教我嘅。」

黃嘉雯則為組員送上帶有美好寓意的傳統掛件，希望大家一切順利。她表示：「送咗傳統掛件畀佢哋，有唔同寓意，有保平安嘅、亦有健康、友情、事業、人緣乜都好啲！」期間，4號譚雅文趁機向師姐黃嘉雯請教如何展現完美的「港姐笑」，曾做過模特兒的她坦言自己不擅長港姐式的招牌笑容。幸得師姐指點迷津，譚雅文分享道：「師姐建議我要對住塊鏡練多啲，同埋腦入面可以諗多啲開心事，自然而然會笑出嚟。」

12位佳麗分別是1號袁絲珩Bernice、2號李澤欣Scarlett、3號李澄晴Chorie、4號譚雅文Tiffany、5號魏欣Etherine、6號盧蔚晴Jasmine、7號楊媛媛Vera、8號鄧匡閔Ada、9號周芳姿Gracia、10號陳梓穎Cecilia、11號顏懿菲Agnes及12號湯家琳Caris。