非份之罪｜徐榮飾演腦痙攣患者 自爆拍到頸抽筋

《非份之罪》昨晚（9日）播出的新單元《一億殺機》隨即掀起熱話！劇中飾演肌肉萎縮症及腦痙攣患者「張宏智」的徐榮，挑戰智商只有 8 歲的角色，憑藉亮眼且充滿驚喜的演出，贏得大批觀眾與網民的激讚！

劇中其中一幕講到父親建國（李家鼎飾）突然離世後，宏智一臉天真地詢問兒子紹聰（施焯日飾）：「聰B，阿爸死咗會去邊度，仲睇唔睇到我畫畫？」 紹聰則溫柔安慰道：「我諗佢睇唔到，但我諗佢會喺天空度，因為聽講人死咗都會變做一粒星星。」 宏智隨即看著夜空追問：「嗰粒眨吓眨吓，係咪阿爸嚟？」

徐榮在劇中的動作、語氣和表情都拿捏得非常細膩，無論是聽從妻子悅萍（陳煒飾）還是母親淑嫻（盧宛茵飾）的話，都完全展現出小孩子的純真特質。不少觀眾看後大讚他演得出色，直言甚少見到徐榮挑戰這類角色，相當有驚喜。

談到今次的破格演出，徐榮接受 tvb.com 獨家訪問時坦言角色難度甚高：「我之前都有演過智障人士，所以我今次都要諗啲唔同演繹方法。（驚唔驚畀人覺得似阿旺？）就係因為之前有呢啲好成功嘅角色，所以我都盡量避開嗰種演繹，希望出嚟有新嘅感覺畀觀眾。」

他特別感謝拍檔陳煒及其老公，在劇集開拍前貼心地帶他親自探訪相關機構，好讓他深入了解這類人士的生活。「我有觀察佢哋嘅說話方式及行為舉止放入個角色入面。」

由於角色設定同時患有肌肉萎縮症及腦痙攣，徐榮在全劇中都需要做出抽搐、顫抖的肢體動作，對體力是極大考驗。他直言：「演嘅過程係好攰，因為每次演都要好用力，所以我試過演到條頸抽筋。」

雖然拍攝過程艱辛，但徐榮表示這是一次非常有意義的體驗，並寄望能透過自己的演繹為弱勢社群發聲：「我感受到佢哋嘅生活好唔容易同方便，希望透個角色令到社會多啲人關注同幫助佢哋。」