新不如舊？｜網民狂數港鐵Q-Train「五大罪狀」斥扶手頻撞頭　車廂設計有提升？

港鐵國產Q-Train自2022年起逐步投入服務。新列車標榜多項升級設計，惟近期社交平台湧現投訴，有網民羅列車廂布局五大缺陷。

最多人投訴的是扶手過低容易撞頭。有網民直言：「設計嗰個低能㗎，冇腦㗎。我次次都撞到個頭，每個座位一起身，佢個扶手就對對正正撞你個頭㗎啦。」另一人附和：「我超級認同你講坐低起身嗰下撼親個頭，周不時唔記得就會撼一次要你記住佢嘅存在。」有網民更揶揄設計者身高僅150厘米，又指「設計果條友就係顧得個頭顧唔到個髻……失敗之作，變咗玩閃避」。

企位空間冇扶手　乘客反映難平衡

其次是車廂中間缺乏扶手。有網民投訴：「繁忙時間企咗入門口嗰個空間，係冇扶手㗎，都唔知點平衡，周圍都冇嘢扶啊大哥。」另一人表示：「兩邊門口中間冇柱，係可以塞得多人入去，但係啲人冇嘢揸手好危險囉，我都覺得呢個設計超失敗。」

其他投訴還包括：兩邊扶手太近座位，導致面對面乘客「腳貼腳勁尷尬」；冷氣出風口直吹，企多幾個站便頭痛；電子路線圖不實用。

港鐵：加闊門邊企位　吊環增至64個

港鐵公司早前接受媒體訪問時曾指，Q-Train的設計已採納不少乘客建議，着重提升車廂布局。新列車加寬了座椅玻璃屏風與門邊的距離，方便乘客站立。每節車廂的吊環扶手由舊款M-Train的24至27個，大幅增至64個，並改用環型扶手桿，讓企位乘客更易緊握扶手。

港鐵又指出，新車門邊企位加闊，上落車更暢順；座椅符合人體工學設計，更為舒適；車廂全面採用LED照明；動態路線圖亦較傳統閃燈更清晰。港鐵曾表示，新列車的設計目的是改善繁忙時間擠塞情況，讓乘客體驗更舒適。

首列使用新信號系統的市區綫新列車 Q-train 2026年3月29日正式於荃灣綫服務乘客。(港鐵社交平台照片)

設計初衷與實際體驗落差　網民：有佢嘅好處

面對網民的猛烈批評，亦有聲音為新設計辯護。有網民指出，新車布局「可以迫啲人行入車廂中間，防止乘客用身體倚着扶手」，認為「總有佢嘅好處」。

Q-Train由中國中車青島四方製造，自2022年11月27日起在觀塘線首航，其後陸續擴展至港島線及荃灣線。