香港人旅遊似「做咕哩」？網民激辯行軍式行程：機票酒店效益最大化 vs 放鬆慢活

有網民在社交平台發帖，指香港人的「報復式旅遊」根本是一場「俾錢去外國做咕哩嘅極限運動」。帖文形容，為了賺盡機票，買凌晨機去東京，落機拖住大篋去築地排兩個鐘食壽司，再行足三萬步掃貨，夜晚返酒店對腳腫到似豬蹄，第二朝六點又要起身趕新幹線。帖文直言：「呢種排到密一密嘅行程，攰過留喺香港返工十倍。我哋以為去旅行係為咗充電，結果返到香港嗰一刻，需要請多一日假去平復返個旅行疲勞。」帖文總結：「去旅行去到好似行軍打仗咁，真係好香港人。」

AI生成示意圖

支持派：年輕力壯唔覺攰　精神滿足好充實

帖文引發正反兩派激辯。有網民表示：「有錢無假先係咁玩、珍惜時間，你估真係貪凌晨機張機票平啲咩。」另一名網民指：「你嘅肉體受唔住啫，但係你嘅精神好滿足！」有人分享經驗：「我去日本都係一日去五六個地方，自駕遊唔算辛苦，乜都放喺車度。我飛13個鐘去日本再轉機去內陸，回程又十幾個鐘，無理由唔玩盡。」有網民認同這是「機票酒店效益最大化」。有過來人稱：「年輕時我係咁玩，點會覺得攰，而且很滿足，很愉快，平時工作壓力都舒緩哂，返香港仲精神爽利。」

AI生成示意圖

反對派：非所有港人皆然　行美術館博物館咁就一日

另有網民反駁：「又唔係個個香港人會行軍式旅遊。人哋係咁係人哋嘅旅遊方式，佢哋玩得盡興就好。」有人批評帖文以偏概全：「你講既『香港人』只係你識既香港人，我自己同我識嗰啲都唔係咁。」有網民分享自己的旅遊模式：「我見到多人排隊，skip；無興趣shopping。純粹搵地道野食，行美術館博物館，自駕遊車河咁就一日。」有人則指出年紀轉變帶來的玩法差異：「每個年紀都有唔同嘅玩法，我已經到咗個年紀係連搭長途機都要揀日頭。」

AI生成示意圖