葉蒨文豪氣過數賀阿媽生日 70歲靚媽逆齡生長獲網民激讚「似兩姊妹」

近年人氣急升、工作機會不斷的葉蒨文（Sophie），日前在社交平台上分享了與母親慶祝生日的溫馨合照。一向孝順的她，更非常豪氣地送上一筆現金作為母親的生日禮物，盡顯愛母之心！

Sophie在貼文中感性分享：「努力工作、認真賺錢最爽的一件事，不是給自己買了甚麼，而是媽媽生日時，可以豪氣地過一筆錢給她，在她睇中東西時可以大大聲說：『我買給妳！』我要的就是那種當朋友問她『這條手鏈好靚喎』的時候，她可以極度驕傲地回答：『係呀，我個女送俾我㗎！』」

她透露母親不經不覺已經70多歲，並對媽媽大派定心丸：「我賺錢的速度，一定要繼續趕上妳生日的速度！努力的意義，就是成為妳最強大的後盾。希望妳健康、開心地繼續花我的錢！不用再擔心我了！」

除了Sophie的孝順舉動成為焦點，相中Sophie母親的凍齡外貌亦引起網民熱烈討論。Auntie氣質優雅且保養得宜，完全看不出已經70多歲。大批網民紛紛留言大讚：「Auntie真人感覺未夠60，好後生皮膚好好又靚女，唔怪得之Sophie咁靚女」、「似兩姊妹多啲」「Auntie似後生最少20年！」

更有網民質疑Sophie是否打錯媽媽的歲數，她隨即幽默回覆：「冇啊，我家姐都大我20歲！」面對大家對媽媽外貌的讚賞，Sophie大方承認相片「有幫佢P少少圖」，但亦極力稱讚母親底子極佳：「佢皮膚底子真心好過我，我相信我七十幾嘅時候係冇可能有佢呢個狀態。」

Sophie接受 tvb.com獨家訪問直言母親以前經常擔心女兒生活，「佢成日想做我嘅後盾，但我長大了，最大的願望就是希望佢退休後可以將資源留返畀自己享福，唔好再為我擔憂。」

談到現時工作不絕，母親是否較以前放心？Sophie坦言，這一年多雖然工作模式有所變化，但她正積極嘗試不同領域的工作及學習新事物：「只要我照顧好自己、有清晰嘅方向，媽咪自然就安心，咁已經係佢最好嘅生日禮物啦！」