地盤港男晒8張牌照呻失業 網民突破盲點質疑「含金量低」

在香港「有手有腳」就一定有工開？近日一名 30 多歲的地盤港男在社交平台晒出 8 張建造業及駕駛牌照，控訴失業。事主不滿付出大量時間與金錢考牌，又擁有多年經驗，卻依然搵唔到工，爆粗直言：「三十幾歲喎，唔係六十歲喎。」

事主擁有的 8 張證書包括：

1.     香港特別行政區駕駛執照（1、2號牌，即私家車及輕型貨車）

2.     建造業安全訓練證明書（俗稱「平安咭」）

3.     建造業工人註冊證

4.     建造業工人註冊證（混凝土工、金屬模版裝嵌工）

5.     操作抗衡型叉式起重車（鏟車）證明書

6.     磨輪安裝及使用安全證明書

7.     索具工及訊號員證明書

8.     吊運工相關安全證書

貼文引發行內人熱議。有人質疑是事主性格有問題，「會唔會係你配合唔到人？」；亦有資深行內人直言：「我 17 歲做到 57 歲都未試過冇工開，檢討下你嘅積極性啦。」面對質疑，樓主隨即留言反擊，指責市場存在不公招聘現象：「做得比人好做得比人快，但係都係請返自己友福建人」。

與此同時，有人分析指中該些證書大多上課一兩日就送，含金量太低，多屬基礎安全證書而非核心技術牌。網民反建議考更高級專業牌照：「如果你考的水喉、消防3仔、電工B牌任何一張都俾你有用」、「得1、2牌週街都係，無大車牌難搵食」。