香港小姐2026｜冠軍袁絲珩自認做慣表演有着數 感謝父母無條件支持

《2026香港小姐競選決賽》昨日（30）圓滿結束，1號袁絲珩勇奪冠軍。

完成賽事後冠軍得主袁絲珩接受tvb.com獨家訪問，直言當宣布奪冠後腦海一片空白，「因為呢兩個月嚟情緒都冇抒發出嚟，嗰個Moment好多情緒湧現。（成晚自己表現畀幾多分？）一定係10分，覺得自己表現保持水準，我平時都係做開表演，由細到大都係跳舞，成晚都係當平時表演咁做。（平時喺舞台表現有着數啲？）都係，會有一種今晚喺我嘅主場嘅感覺，加上平時都係對開觀眾，走位嗰啲都比較熟練。」

袁絲珩指最想感謝父母，「多謝佢哋咁多年都支持我做表演，雖然把口話唔支持我。」