71歲米雪親回「婚訊」烏龍 高EQ笑言：一年我就「嫁一次」

米雪日前迎來71歲生日，並相約一班圈中好友聚會慶生，就連極少露面的伍衛國亦有現身。怎料這場溫馨的聚會，竟意外傳出「婚訊」烏龍，網上瘋傳米雪與伍衛國「官宣婚訊」的消息，好友劉緯民得知後，隨即找來米雪拍片澄清。

原來劉緯民是從夏雨口中得知這宗「婚訊」，更打趣笑言要與夏雨爭做「花仔」：「嗰啲傳聞話佢結婚，我同夏雨兩個就馬上話，如果係真嘅事，我哋即刻做『花仔』，加埋百幾歲！」隨後他又向米雪喊話：「你快啲澄清下先，哈哈哈哈哈哈」！

自摯愛尹志強（尹佬）於2010年病逝後，米雪一直單身至今。對於被傳出與老友結婚，米雪大方表示這類報導其實經常出現：「其實呢，成日都有報道喇，一年我就『嫁一次』」，身旁好友聽罷隨即反問：「嫁得咁頻？」，雙方互動十分搞笑。

對於無辜捲入風波的伍衛國，米雪亦替老友感到冤枉與抱不平。她指出對方向來低調，自己是花盡心思、好不容易才說服對方出席聚會，沒想到最終又被傳出緋聞：「我好辛苦先叫到佢出嚟，我哋可唔可以成班老友一齊食一餐飯，最終又寫咗啲嘢……」

幸好米雪心態極度豁達，笑言對此「得啖笑」：「其實冇乜所謂，有時話我同你結婚，有時話同佢結婚，或者我哋做好朋友上契，乜都得，大家笑一笑囉，最緊要開心！」其高EQ兼幽默的回應曝光後，獲得大批網民留言大讚：「哈哈，好搞笑」、「好鍾意米雪」、「女神」。