司機閉眼玩命駕駛 副駕代握軚盤 網民質疑擺拍：拉人啦！

網絡近日熱傳一段 5 秒短片，直擊一輛私家車在隧道內行駛期間，男司機疑似熟睡，雙手甚至完全放開軚盤，車輛全程僅由身旁的副駕乘客以「單手扶軚」操控。

片段所見，當時正值深夜凌晨，私家車在隧道內持續行駛，惟坐在司機位上的男子全程合上雙眼，任由雙手垂下未有握緊軚盤。坐在副駕駛座的人非但沒有叫醒司機，反而一邊持手機錄影、一邊伸出單手扶着軚盤操控車輛前進，更在片中寫下「真係瞓㗎喎」。

短短 5 秒的片段隨即在各大社交平台瘋傳，引來網民一面倒「鬧爆」涉事者罔顧他人安全。有網民斥責「黐線，咁都得？」、「眼瞓就唔好揸車啦」，亦有大量網民質疑這是一場危險的惡作劇擺拍，怒斥：「其實就算係假嘅，只要雙手離開軚盤已經中硬，而家仲要隔離操控車輛，無論副駕有冇車牌，應該都可以兩個一齊安心上路」、「不理真與假，別人嘅危險就係佢意圖或企圖製造出來！仲要副駕揸軚 拉人啦……」