中環戲院墮「磚咁大」鐵盒 觀眾被擊中頭部震盪 直指PTSD不敢走無遮蔭處

中環一間戲院發生罕見高空墮物意外。一名網民發文控訴，指上月前往中環一間戲院睇戲時突遭「成舊磚咁大」的生鏽鐵盒由高處砸中頭部。

事發於 8 月 22 日晚上 8 時 45 分，事主於中環一間戲院睇戲期間突遭橫禍，事主表示：「睇睇吓突然間有成舊磚咁大嘅野撞落頭度，睇真啲原來係嚿生鏽嘅鐵仲要帶利角，喺兩米高左右跌落嚟？」，直言當時「差啲命都無」。戲院職員在事發後即時通報上級及報警。

警方證實，於8月22日晚上11時53分接報，指一個用作盛裝冷氣機滴水的鐵製容器，突然從座椅上方跌下，擊中一名25歲姓顏女子的頭部。事主報稱頭暈，清醒由救護車送往瑪麗醫院接受治理。

事主其後在社交平台貼出 2 張醫生證明，證實頭部受傷及有腦震盪，事主坦言：「到而家過咗半個月時不時都仲會頭痛、頭脹、耳脹、眼前發黑，PTSD 到出街完全唔夠膽走到冇遮陰嘅位，驚有嘢跌落嚟。」

事主續指，事發當日已留下聯絡資料，但等候3天均未獲對應，隨後連日透過 WhatsApp及電郵投訴，戲院方才回覆表達慰問，並要求提供及保留相關醫療單據及文件以作跟進。惟事隔半個月，事主指至今仍未收到實質處理結果，深感失望與沮喪。