荃灣酒樓爆長腳蟹調包風波！蟹殼長疤離奇消失 經理企硬否認換蟹

荃灣一間酒樓爆出疑似「換蟹」風波。有網民在社交平台發文，指日前於荃灣某間酒樓點了一道清蒸長腳蟹，惟菜式上枱後，發現該隻蟹的外觀特徵與其早前在魚缸挑選時相差甚遠，質疑酒樓涉嫌將蟹隻「調包」，過程更有照片為證。

事主隨文附上數張現場拍攝的照片說明，留言：「係魚缸秤咗一隻蟹，上枱嘅係另一隻蟹，我揀嘅蟹的右邊鬚明顯缺失，上嗰隻有完整嘅鬍鬚，蟹嘅右邊有一條明顯嘅長疤，上嗰隻係無。」相中所見，上菜的蟹的蟹殼沒有長疤，與事主在魚缸挑選時拍攝的相片，明顯不同。

事主透露，發現問題後即時向酒樓經理反映並進行對質。雖然面對相片證明，惟經理對相關問題堅決不予承認，僅一味要求事主重新挑選另一隻蟹及重新秤重，並表示需要再等候 20 分鐘。事主坦言，當時同枱共有 10 人正在等待用餐，情況猶如「洗濕咗個頭」，深感無奈。

帖文曝光後引發大批網民熱議，不少人對今時今日仍出現此類爭議大感愕然，批評酒樓「自己打爛自己招牌」，亦有網民提供防止被調包的「妙計」，建議顧客在挑選長腳蟹後，可即時「拗斷蟹隻其中一隻腳做記認」，以防範同類事件發生。