「三太」樊亦敏中秋宣傳片變嫦娥爆紅 不足一日破百萬瀏覽

TVB 企業傳訊部品牌傳播科（CID）早前精心打造了一條充滿濃厚節日氣氛的中秋宣傳片，特別邀請《愛·回家之開心速遞》人氣角色「三太」樊亦敏（Amy）擔綱演出。宣傳片創意十足，自播出後迅速引發廣大市民熱烈迴響！

Amy 姐於宣傳片中先後以四大造型驚艷亮相，包括「貴婦 Look」、「亮片 Look」、「嫦娥 Look」及「啦啦隊 Look」！她全程將「三太」的貴氣與鬼馬元素完美融合，演繹生鬼有趣，充分展現出極強的喜劇功力。另一方面，宣傳片巧妙地將傳統中秋元素與流行文化結合，以「月餅罐爆旋陀螺」為亮點，極具創意。

宣傳片自播出後反應極為熱烈，在 TVB Instagram 及 Facebook 官方帳號平台上載不足 24 小時，截至現時已分別錄得 64.1 萬及 74.9 萬 Views，不足一日內合共吸納逾 100 萬瀏覽量！大批網民紛紛留言激讚：「呢段片幾高質」、「好生動又有意義」、「今次嘅片有新鮮感」、「好耐冇睇過咁有質素嘅廣告」、「真心有創意有心思」、「呢個 idea 好好」、「勁正，諗得好」、「諗到呢條橋嗰個勁呀」！

其中一幕「自己垃圾自己帶走」更深得網民喜愛。片中一位女士大罵男朋友是「垃圾」後嬲爆走人，此時化身嫦娥的 Amy 姐突然「飄」出來說：「自己垃圾自己帶走！」不少網民表示笑到肚痛，瘋狂留言讚賞：「呢個最正，睇一次笑一次」、「佢講完嗰句自己垃圾自己帶走，好調皮咁跳跳扎，好有童真啊」、「正面睇，嫦娥卻將二人手掂手，人月團圓之際，唔好鬧交，相親相愛」、「呢啲先有香港 Style，AI 做唔到的」。

對此，Amy 姐亦在個人社交平台留言回覆感謝支持：「多謝大家，我都覺得呢個宣傳片好得意」、「我自己同身邊嘅朋友們都好鍾意，多謝台前幕後的工作人員及創作的幕後功臣。」最後她亦不忘搞笑提醒大家，中秋玩樂時要記得「自己垃圾自己帶走」！