死有對証｜曹銦玲《Hands Up》玲玲姐姐變身校園惡霸!神級反差獲網民激讚 狂爆侮辱對白超搶戲

《死有對証》劇情愈來愈緊湊，昨晚播出一集，講述女學生碧芝（曹銦玲飾）聯群結黨，極度惡劣地霸凌同學雪蕾（劉芷玲飾）和周靜（樂珈嘉飾）。曹銦玲將校園惡霸那種囂張、刻薄的嘴臉演繹得淋漓盡致，令不少觀眾睇到「拳頭硬晒」，直呼超激心。

劇中碧芝的欺凌行為極度過份！她不但取笑雪蕾看的雜誌，更狂爆刻薄金句侮辱對方：「你呢啲讀書又廢、又幫唔到學校攞獎嘅垃圾」、「網上話十個玩Cosplay，十一個都係雞」，最後更動手撕爛雜誌。其後，碧芝認定雪蕾向訓導老師舉報她吸食電子煙，於是將行動升級，公開雪蕾的Cosplay造型兼嘲笑她為「姣婆雪」，更出手整爛對方的Cosplay服裝大罵：「你永遠都係一個廢柴！」最終令雪蕾忍無可忍，大爆發出手還擊。

曹銦玲將這個「乞人憎」角色演得入型入格，無論眼神還是行為都充滿壓迫感，大批網民紛紛留言激讚：「呢個碧芝太過份」、「真係好乞人憎」、「曹銦玲做得好好」！曹銦玲接受 tvb.com 獨家訪問時直言，角色與其真實性格大相逕庭。為了演好這場戲，她事前做足功課：「我嗰時上堂學咗新嘅演技方法，唔需要靠回憶想像進入角色，好幫助到我入戲同抽離。」

令人意想不到的是，這位演惡毒學生妹入木三分的演員，現實中竟然是兒童節目《Hands Up》中深受小朋友歡迎的「玲玲姐姐」。現年28歲的曹銦玲於2021年畢業於第31期無綫電視藝員訓練班，曾參演《破毒強人》、《虛擬情人》、《臥底嬌娃》及《飛常日誌II》等劇集。

對於經常被派演「學生妹」，銦玲坦言毫不介意，更不怕被定型：「我都幾鍾意做學生妹，每次嘅角色都唔同，同埋我有做兒童節目主持，啲人都覺得我都係比較細個。」