璀璨之城｜江美儀張智霖神飆戲高手過招極度震撼 親爆每周漂髮慘致斷髮

《璀璨之城》昨晚（27日）再爆精彩高潮！今集亮點落在丁麗明（江美儀飾）與官孝賢（張智霖 Chilam飾）的正面交鋒，兩大演技派幾場對戲張力爆燈、火花四濺、高手過招！

劇情講到，孝賢為奪得尚利鋒主席之位，設計陷害官孝君（吳卓羲飾），更手握妹妹官詩雅（蔣家旻 飾）與 Ken（黃子恆 飾）的偷食短片，脅迫 Celia 在董事會上抹黑孝君誠信。為了奪得麗明手中的股權轉讓書，孝賢特意到精神病院接她回家。

孝賢一見麗明即陰森嘲諷：「你唔認得我呀？我認得你喎！你化咗灰我都認得你喎！」並逼問她是真痴還是假傻。麗明冷靜反問：「真同假你識分咩？」孝賢隨即得戚透露自己已把孝君逼上絕路：「佢好快連公司主席都冇得做，去歐洲諗住補鑊，點知愈補愈大鑊！」陰險奸笑徹底激怒麗明，麗明失控拽住孝賢衫領、眼神凌厲質問：「你對佢做過啲咩嘢嚟？」兩人死死怒視對方，短短一幕氣氛窒息！

鏡頭一轉，麗明剪了一頭俐落短髮、身穿白色西裝霸氣重返官家。當得知孝賢意圖獨吞遺產及搶奪其股份時，麗明竟做出驚人舉動——當眾向孝賢下跪認錯：「孝賢，係我毒死你阿媽，唔關佢哋兩個事！我依家跪低同你認錯，希望你高抬貴手放過佢哋，你要我哋一半身家冇問題，全部賣晒畀你！」並勸孝君放棄爭奪離開。

面對麗明的奇招，孝賢全程默不作聲，僅以眼神暗中思索真偽，直到孝君答應收手，孝賢才冷笑一聲扶起麗明：「你跪我，我點受得起。」這場精彩絕倫的試探與反擊，讓觀眾睇到大呼過癮！

戲內鬥得火熱，戲外江美儀飾演吳卓羲的母親亦成為話題。美儀接受 tvb.com 獨家訪問時直言，當初收到劇本時感到非常愕然：「最初真係有心理關口，但睇完劇本覺得角色極具挑戰性。作為演員有呢啲機會好難得，不如試下，希望出嚟大家唔會出戲。」

為了呈現劇中標誌性的銀灰色短髮，美儀更付出了不少代價：「嗰兩三個月，每個星期都要漂一次頭，去到後期頭髮頂唔順斷晒，真係好辛苦！」而妝容方面，她特意要求以淡妝為主：「有啲雀斑、眼袋喺度都由得佢。」