愛回家之三代同糖｜車婉婉重着 20 年前「萬貴妃」古裝 重現經典金句「拉佢出去斬」 網民回憶殺爆燈

《愛·回家之三代同糖》昨晚（27日）驚喜不斷！今集最大焦點莫過於「嘉冰」車婉婉破天荒復刻自己在《皆大歡喜》中的超經典角色「萬貴妃」，瞬間勾起無數觀眾與網民的集體回憶！

劇情講到，龔喜（樊亦敏 飾）與冰冰（車婉婉飾）相遇後迅速成為「孖公仔」。向來正能量爆燈的龔喜，見好姊妹冰冰終日愁眉苦臉，決定帶她尋歡樂、重拾笑容。

兩人特別換上古裝扮相，龔喜化身美麗嫦娥，而冰冰則身穿當年《皆大歡喜》萬貴妃的經典宮廷華服登場。車婉婉更即場重現當年經典對白：「你哋一個二個係咪想激死本宮？同我拉佢出去斬！」雖然只是短短一幕，卻霸氣十足，隨即引發全網熱烈討論。

談到相隔 20 多年後再度穿上萬貴妃的服裝，車婉婉接受 tvb.com 獨家訪問時直言，昔日拍攝《皆大歡喜》的點滴記憶瞬間湧上心頭：「我真係冇諗過感受咁大！初時收到劇本見到『嫦娥遇上萬貴妃』，以為只係類似嘅古裝衫同頭飾，真係完全冇諗過服裝組會去骨幹庫搵返當年萬貴妃嗰件衫出嚟，當時真係好驚訝！」

婉婉更透漏了一個非常感人的幕後細節，原來這套服裝 20 多年來原來只有她一個人穿過：「因為每件戲服裏面都有 mark number、演員名字同劇名。成套裝束叫『T1』，如果中間有人穿過，就會寫上另一套劇同演員名。當我發現這 20 幾年來都冇其他人穿過，嗰日見到『T1』這兩個字真係好感動！同埋我好記得，呢套係我入宮見皇上第一套穿嘅萬貴妃戲服，所以再次穿上拍攝時，真係好有感受同情緒。」

提到今次與樊亦敏繼《大醬園》後再度合作，婉婉笑言兩人戲裏戲外都是極要好的朋友：「那時合作了 4、5 個月，大家建立晒默契。所以知道她加入我們《三代同糖》團隊真係好開心同期待，睇下我們相隔咁多年後再重聚，可以擦出咩新火花給觀眾！」