愛．回家之開心速遞｜小演員與「熊家」成員合照 分享拍攝點滴大讚演員親切友善

長壽處境劇《愛．回家之開心速遞》將迎來大結局，劇中每位演員都非常珍惜在電視城拍攝的最後時光。日前，有份參演的小演員在社交網分享拍攝最後幾場戲的點滴，更大讚劇中「熊家」及一眾演員私底下都極為親切友善！

該位小演員透露，最後一次與「熊家」一起於「新威龍廣場」場景進行拍攝，並曬出與周嘉洛、呂慧儀、滕麗名、張景淳以及劉丹等人的溫馨合照。

她發文「若水真係超好人， 未拍時陪小朋友傾偈，仲分享仔仔嘅點滴，聲線真係超溫柔，真係好媽媽呢 。廢青安一啲都唔廢，好關心家人，未正式roll機前同小朋友對戲warm up下。」 她又指有周嘉洛與單立文同場必定搞笑，「佢同熊樹仁真係絕對無冷場」。

小演員續指，劇組上下氣氛都非常融洽：「Tree根、龔燁，大頭姐姐都好好人有同我哋互動，李莫仇雖然角色好搞鬼但真人好靚靚🥰，臨走前仲捕獲朱Ling，真係一個好好嘅回憶！#幸運 #tvb #小演員 #電視城第17廠」。