非份之罪｜施焯日與盧宛茵對手戲成焦點 兩嫲孫互動充滿洋蔥

無綫劇集《非份之罪》單元《一億殺機》在13日播出的一集中，首度挑戰輕度智障角色的施焯日（Arthur）表現亮眼，其細膩演技與盧宛茵的對手戲更成為網民討論焦點。

劇情講述淑嫻（盧宛茵飾）承認在紹聰（施焯日飾）遇害當晚曾到過村屋，更帶了孫兒最愛的甘蔗探望。然而，當她得知紹聰成立的信託基金條件後大感不滿，氣極之下不僅怒罵，更一巴掌將他摑至撞向書櫃跌倒，但堅稱自己並非兇手。

回想這段衝突，淑嫻深感內疚，腦海浮現兩嫲孫昔日同遊塔東島的美好時光。當時紹聰為了氹嫲嫲開心，邊陪拍照邊貼心說道：「我哋玩得好開心，呢度又靚喎，好過你喺屋企同媽嫲嘈交，最緊要嫲嫲開心。」溫馨互動令人動容。

施焯日在劇中經常展現天真無邪的笑容，不論語氣或動作都演繹得相當細膩，成功呈現出角色的純真一面。他接受 tvb.com 獨家訪問時透露，除了陳煒在開拍前特意帶他參觀輕度智障學校外，自己亦做足功課：「我上網睇咗好多片，發現有輕度智力障礙嘅人士，有時隻手會捉住啲嘢同埋不停眨眼，我將呢啲細微動作放入角色裏面。」

談到與資深演員盧宛茵合作，施焯日坦言起初十分緊張：「因為佢個樣好嚴肅，但拍完先發覺『嫲嫲』好溫柔。佢唔單只分享以前嘅經歷，我哋仲會一齊討論鍾意邊首古典音樂，變得好 friend！」

至於那場備受矚目的掌摑戲，施焯日大爆原來並非真打：「我有叫嫲嫲真摑，但佢冇咁做，佢驚我痛，好錫住我。」

施焯日這次的突破性演出，不僅早前獲同劇前輩陳煒及徐榮公開力讚，一班觀眾亦紛紛留言大讚他「令人眼前一亮」、「愈做愈好」，演技備受肯定。