楊明莊思明大馬婚禮連咀3次！婚禮誓詞哭成淚人 莊思敏擔任司儀激動講錯嘢

楊明與莊思明昨日（2日）於馬來西亞吉隆坡舉行盛大婚禮，在全場親友的見證下正式結為夫婦。婚禮儀式上，這對攜手走過多年的新人甜蜜交換誓詞，句句真情流露，更連咀三次，閃爆全場。

莊思明首先多謝老公楊明對自己的包容，「唔經唔覺一齊10年，冇想過同一個人生活10年係咩感覺，直至我遇到你，我知道我脾氣唔好，成日鬧你，有時你都會鬧番我，我好多謝你永遠都會做道歉嗰個先，好多謝你包容我嘅一切同遷就我，好寵愛我。我知道你為我改變咗好多，你由從前乜都唔諗，每日只係嘻嘻哈哈嘅大細路，變成一個願意去承擔所有責任，每日都好努力去顧照我嘅大細路。」

她又向楊明承諾：「今日我正式成為你太太，我應承你我會盡量少啲鬧你，多啲愛錫你，同埋包容你最難頂嘅拖延症。」台下賓客聞言即時發笑及拍手，莊思明續說：「我會一直做你最強大嘅後盾，等你可以放膽去追尋你自己嘅夢想，喺未來日子入面我會拖住你隻手一齊面對所有快樂同挑戰，多謝你令我成為你嘅女主角，I love You。」

楊明亦真情流露，「我記得我哋剛一齊時，我拍劇時揸電單車炒車入咗醫院，你唔單止喺醫院日日陪我，我出院後，你每日都幫我洗傷口，你唔怕個傷口恐怖，其實嗰時好感動，應該唔係咁多人做到，何況我哋剛喺埋一齊，到我喺人生最低落嘅時間，你唔止要對住一個冇嚟神氣，同日日借酒消愁嘅男友，仲要面對外界好多嘅壓力，我知道你係好辛苦，但你喺辛苦入面都諗好多活動同飯局，好多健康嘅運動畀我去做，令我冇時間去鑽牛角尖或者諗啲唔開心嘅嘢，呢啲我全部都知道，呢段時間我真係好多謝你，冇咗都唔知點過，我曾經喺你爸爸面前應承過你，我會照顧你一生一世，今晚多謝你畀機會我開始呢個承諾，多謝。」

兩人隨後交換戒指，並在眾人歡呼下當眾接吻3次，合共近20秒，閃爆全場！最搞笑的是身為婚禮司儀的莊思敏不知是否因為太激動，竟將合法「丈夫」成「妻子」，「你願唔願意嫁楊明為你嘅合法妻子？」鬧出爆笑烏龍。莊思明亦即時叫對方冷靜，場面相當好笑。