死有对证｜陈晓华吴若希姊妹互动网民爆Like 亲揭Jinny私下反差真面貌：令人安心嘅朋友

《死有对证》除了剧情紧凑，当中法医芷昕（陈晓华饰）与记者佩嘉（吴若希饰）的姊妹情亦成为网民焦点！两人又Sweet又搞笑的闺密互动，自播出以来大受好评，火花四溅。

日前播出一集，芷昕重遇前男友皓扬（许俊 饰）后翻看旧照，佩嘉见状即刻怒轰男方系渣男：「佢摆到明系识咗第二个女仔先扮忙唔听电话！千祈唔好畀我撞到佢，如果唔系一定帮你打镬甘！」点知当佩嘉得知对方现时已经系顶级律师事务所的律师，竟然一秒「变脸」，极速转軚劝好姊妹复合，场面极度爆笑。

其后佩嘉临时出外跑新闻，因为唔熟行情加上著高跟鞋，惨被行家推跌落地。食白果的她唯有向好姊妹芷昕打探案件机密，虽然芷昕深感同情，但依然保持专业态度企硬：「你真系好惨又好努力，但我真系一句都唔可以透露畀你听。」任凭佩嘉苦苦哀求都无动于衷。

大批观众纷纷留言：「好钟意睇佢哋嘅场口」、「佢两个嘅互动好Fun」、「闺密就系串吓你又笑吓你咁」。

这对「神仙闺密」在镜头前火花十足，Hera 接受 tvb.com 独家访问时坦言两人其实没有刻意培养感情，一切都是自然流露。她更大爆 Jinny 私下鲜为人知的一面：「我私下同Jinny 接触时，发现佢原来好成熟！𠮶阵我有啲问题问佢，冇谂过佢咁认真答我，答完之后令我有种安心嘅感觉。」Hera 更直言，即使大家私下少联络，依然觉得对方是一位「好安心嘅朋友」。

Hera 又大赞 Jinny 是剧组的「能量塔」，即使拍摄时间长、休息少，Jinny 依然能keep住正能量：「令我就算好攰都依然充满正能量，所以同佢拍嘢真系好开心！」