林智乐新歌首度尝试轻快浪漫曲风 MV携师妹甄敏芳演校园情侣

林智乐（Felix）近日推出新歌《魔法情侣工作室》，是他首次尝试轻快浪漫的曲风。MV特别邀请到《声秀》师妹 Jenny 甄敏芳担任女主角，二人饰演一对校园情侣。Felix 更形容今次是「可一不可再」，笑言：「我演艺生涯可能系得一次会有咁 close 嘅镜头。」

被问到拍摄亲密镜头时有没有心跳加速，Felix 笑言：「其实时时刻刻都有心跳嘅，如果冇心跳就会死㗎嘛。不过真系冇谂咁多，终于明其他人拍 kiss 戏、close 戏嘅感受，因为现场有好多人喺现场，净系谂住要尽早完成，冇谂咁多嘢。」

Felix 又表示拍之前有好好沟通：「有问清楚对方 o 唔 ok，如果唔 ok 可以改。佢觉得唔舒服或者你边边面靓都可以改，最紧要系令对方感觉得舒服，安心就可以，咁就唔会尴尬。」他亦提到，最终 MV 剪走了一些更亲密的镜头，因为他与团队都觉得甜蜜可以不用「画公仔画出肠」，保留想像空间给大家会更好。

作为首次拍摄 MV 的师妹，Jenny 坦言接到任务时既兴奋又紧张，事前除了早睡护肤外，更做足准备：「见故事大纲有亲密接触镜头，我好惊自己会忍唔住笑，又或者会怯场退缩。所以事前有揾屋企人陪我练习，预先体验同另一个人保持极近距离嘅感觉，提前预习一下。」

对于首次与 Felix 合作，Jenny 大赞师兄贴心又幽默：「佢好直率又搞笑，而且察觉到我会尴尬，拍亲密镜头前会一直安慰我『唔使担心』，叫我放松啲，令我非常安心。」她笑言 Roll 机时虽然能迅速投入角色，但距离太近时确实会紧张到心跳加速兼不敢呼吸：「拍完之后先发觉成个人好热、出晒汗面都红埋！」不过她依然十分感激能够获得这次宝贵的演戏体验。