非份之罪｜戴祖儀決心離家出走 游嘉欣攬著對方哀求：你唔好走

《非份之罪》在30日播出的一集中，繼續帶來《無臉女屍》單元。除了有吳啟華相隔多年再度亮相TVB劇集成為焦點之外，劇中飾演其兩位女兒的戴祖儀和游嘉欣，她們之間真摯動人的姊妹情同樣引起了觀眾的高度關注！

劇中講述熱愛自由的康嘉嵐（戴祖儀 飾），因為不想一輩子被父親控制人生，下定決心離家出走。然而，這對於自小與她相依為命、感情深厚的妹妹康嘉儀（游嘉欣 飾）而言，無疑是個沉重的打擊。

面對即將離去的家姐，嘉儀依依不捨地緊緊攬著對方，一邊落淚一邊苦苦哀求：「家姐，你唔好走啦！我真係好唔捨得你呀！你自己一個人出去，你唔驚嘅咩？」 「但我驚呀！我由出世第一日開始，我同你冇分開過，你走咗咁我點算呀？」

而嘉嵐看著滿臉淚水的妹妹，心中雖有萬分不捨，但仍溫柔地安慰道：「我都會好掛住你同媽咪，但我一定要走，我唔走嘅話就唔知我將來條路點行呀！同埋無論發生咩事都好，你有咩想搵我都可以照搵我，我去到邊度都好仲係你家姐。」

最後，兩姊妹在鏡頭前相擁道別，場面既溫馨又令人心酸。不少觀眾看畢後紛紛大讚這對「長腿姊妹花」的對手戲十分真摯，特別是這場動人的道別戲，更是讓人睇到眼濕濕，極具感染力！

游嘉欣在接受tvb.com的獨家訪問時表示，自己與戴祖儀其實已經合作過很多次，這次能演親姊妹絕對是一場緣份：「我入行第一個節目就係同佢一齊拍，之後有好多合作都同佢一齊，今次仲要做姊妹，我覺得係緣份。」

雖然兩人在現實中的性格不盡相同，游游坦言自己相較於活潑的祖儀是個比較慢熱的人，但這並無阻她們建立深厚的情誼：「但我哋都幾啱傾，同埋大家拍嘅時候唔使講咁多，已經好有默契，所以個感覺都幾特別。」