非份之罪｜單立文機關槍式窒爆鄭子誠 戴墨鏡串爆出場

《非份之罪》昨晚（23日）播出新單元「骯髒的子彈」，以黑色幽默手法道出荒誕罪案。單立文飾演傲慢多疑的大富豪「錢大富」，戴著墨鏡串爆出場並連環爆出金句。

劇中虛擬貨幣fullcoin害人無數，黑商黃世龍（鄭子誠飾）被指為始作俑者，其背後真正的老闆則是錢大富（單立文飾）。面對最大苦主葉榮基買兇威脅，大富命世龍先下手為強買兇殺害榮基，自己則入住酒店避禍。

性格自大且極度多疑的大富對世龍態度極為囂張，說話句句刺耳，當面開火怒罵對方：「你係古惑仔嚟㗎咋」、「同我講錢，我養咗你幾耐呀！」

當大富到達世龍為他安排的酒店房時，發現環境過於招搖，隨即再度發揮「機關槍」式的連環怒罵：「我依家嚟度假咩？我畀人追殺緊，你幫我Book酒店最揚嗰間房？」、「係咪我條命你賠畀我呀？」、「唔危險，我點解叫你請呢班人昅住呢？」、「依家呢度你揸莊定我揸莊呢」。一連串連珠砲發將世龍窒到無言以對。

單立文戴墨鏡串爆登場、句句窒爆鄭子誠的演出讓觀眾直呼過癮，大讚豹哥展現了不同一面且喜感十足，紛紛留言「豹哥真係有型又好笑」、「豹哥唔只係熊樹仁一面」、「佢同子誠一出場已經好有火花。」