葉蒨文曾展望廣州合體放閃慶祝1周年 感激粉絲排除萬難到場 ：我哋打風都打唔甩

藝人葉蒨文（Sophie）與曾展望（GM）近年人氣高企，憑《女神配對計劃》等節目深受觀眾喜愛。近日二人在廣州舉行1周年粉絲見面會，吸引大批粉絲到場支持。雖然活動當日適逢香港吹9號風球，但仍無阻一班忠實粉絲排除萬難包車跨境赴會，讓 Sophie 與 GM 感動不已！

為了照顧內地及跨地區的粉絲，Sophie 與 GM 特意將見面會地點定於廣州。豈料活動當天香港遇上極端天氣，天文台更發出9號風球訊號，不少香港粉絲的行程嚴重受阻。

Sophie 接受tvb.com獨家訪問時，坦言當時十分緊張：「因為今次見面會想照顧埋內地嘅粉絲，所以就揀咗喺廣州進行。點知香港咁啱落起9號風球，粉絲佢哋經過重重困難包車上廣州。一開始架車根本開唔到，但佢哋最後排除萬難，雖然遲咗少少到，但都順利開始。」她更深情向粉絲告白：「我哋仲話：『GPS，我哋打風都打唔甩！』🥰」

見面會現場佈置相當用心，粉絲準備了二人專屬的宣傳橫額及打卡位。Sophie 與 GM 亦非常親民，現場大擺心心甫士、親密翹手供大家拍照，並與粉絲玩成一片。

為了答謝粉絲一年來的支持，二人特別安排了「粉絲許願環節」。得知粉絲想看二人合體跳舞，Sophie 與 GM 毫不吝嗇，現場大玩跳舞遊戲，大派甜蜜「粉絲福利」，引起全場尖叫聲不斷！