飛來橫「轆」｜將軍澳貨車甩轆　私家車等燈食到應！網民熱議：無妄之災｜睇車CAM

將軍澳上午約十點半有貨車「甩轆」並打中私家車。網上流傳車CAM片，環澳路與將軍澳跨灣連接路交界，一個車胎從車行方向反方向滾動，衝前大約30米之後，撞到路膊彈起大約一米，打中正在等燈的私家車，擊向私家車擋風玻璃和車頂。

飛來橫「轆」　私家車「中招」

據報警方稱今日上午10時26分接報，將軍澳有重型貨車車胎鬆脫，打中私家車。51歲私家車司機手部受傷，送往將軍澳醫院治理。

難判斷「轆」從何來

由於片段中至少有兩輛重型貨車駛經，且車胎由另一側路段，與車行方向相反方向滾動而來，暫時無法從片段中判斷車胎來自哪一輛車，但從車胎的大小不難猜測是來自一輛重型貨車。

網民熱議：真係無妄之災

有網民替私家車車主感到無奈：「睇住⋯⋯個轆⋯⋯轆緊⋯⋯轆埋黎⋯⋯？！就中⋯⋯中左⋯⋯」有網民回憶：「唔怪得頭先經過，有架車停左甘耐都唔轉去康城，原來如此。」更有網民形容：「真係無妄之災！」