中年好聲音4｜許美琪親解決賽失準原因！認自己對處理突發問題經驗不足

《中年好聲音4》總決賽早前圓滿結束，尹景順大熱勇奪冠軍，亞軍及季軍則分別由許雲妮及鄭家聲奪得。其中獲得第七名的許美琪，日前在社交平台上發長文感性告別《中4》舞台，更親自剖白當晚決賽失準的原因。

在決賽當晚的慢歌回合中，許美琪獻唱經典歌曲《你沒有好結果》。她坦言一開始是帶著強烈感情演唱：「一開始我係帶住好強烈嘅感情去唱，點知唱唱下耳機突然聽到「滴答滴答」嘅聲到副歌前，足足持續咗20 秒，即刻被分散咗注意力，連歌詞都可惜唱錯。」

美琪續說當下她不知所措，等她反應過來已經太遲：「我腦海一片空白，唱呢首歌嘅感情亦都消失晒。呢一個係live show，唱唱下嗰陣耳機出現咗技術問題，但 Show must go on。只能怪自己對處理突發技術問題嘅經驗不足，唔知點處理。呢次當係買個教訓，舞台上真係隨時會發生任何事，做歌手最緊要係唔好被影響到。」

除了慢歌，許美琪在快歌回合一改以往風格，挑戰Lady Gaga的高難度名曲《Bad Romance》進行跳唱，令人眼前一亮，其「暗黑風」造型更在網上掀起熱烈討論。

對於網民的評價，她幽默回應：「我都聽到好多人講我個造型。其實係因為唱完慢歌之後流眼淚搞到妝都溶曬。如果唔係眼腫，我一定可以駕馭到呢個妝容！只能怪自己眼淺，話明喊包琪 聽講我當晚個髮型仲紅過我首歌 ！只能講現場表演總會帶嚟意想不到嘅效果。」

雖然賽果留有遺憾，但許美琪保持正能量，直言名次並不重要（更笑言「7」是她的幸運號碼），唯獨可惜慢歌部分未能完美發揮。她視之為一次寶貴的學習經驗，並向支持者喊話：「不過唔緊要，呢個只係一個開始，亦係一次好寶貴嘅學習經驗。希望大家繼續支持我，好快再見」。貼文曝光後，隨即獲中4戰友周志康、蔡宓婕、卓猷燕、謝昉益以及大批網民湧入留言打氣。