夫妻的博弈｜楊卓娜4分鐘爆淚戲震撼觀眾 啞忍老公偷食再揭患胃癌

熱播劇《夫妻的博弈》日前播出最新一集，楊卓娜憑藉一場長達4多分鐘的爆淚演出，成功帶動全場情緒，睇到不少觀眾眼濕濕！

劇中講到熙妍（游嘉欣飾）發現婉蘭（楊卓娜飾）的丈夫偷食，幸如（高海寧飾）、熙妍、美淇（何沛珈飾）和思穎（李海銅飾）隨即勸婉蘭離開。起初婉蘭仍極力自欺欺人，死撐表示：「佢好錫我，唔會做呢啲咁嘅嘢。」

直到幸如一句「你唔好自己呃自己」直擊痛處，婉蘭的情緒防線終於失守，激動道出自己患有胃癌的悲慘真相。她聲淚俱下透露，原來在去醫院途中已親眼撞破老公出軌。面對病魔與背叛的雙重絕境，她絕望高呼：「我好想死，真係好想死。」

為了心愛的兒子賢仔，婉蘭只能默默啞忍老公偷食，哭訴道：「我剩係想我個仔有頭家，有老竇老母，咁得唔得呀？頭家係我嘅全部，我一定要畀賢仔一個完整嘅屋企！」

雖然美淇表示大家會在身旁支持她，惟婉蘭依然深陷絕望，哭道：「我嘅 Cancer 已經去到好嚴重，我唔會有機會再嚟過」，徹底展現出無助崩潰的一面。

在這幕長達4多分鐘的場口中，楊卓娜由初時的自欺欺人，到無奈道出啞忍原因，再到最後徹底崩潰爆喊，情緒層層遞進，極具感染力。不少網民看完後紛紛留言大讚：「我睇到喊」、「老公偷食仲要有胃癌會唔會太慘呀！」「楊卓娜啲演技真係好掂。」

談到這場催淚戲大獲好評，楊卓娜接受 tvb.com 獨家訪問時直言其實很怕拍喊戲，並謙虛地將功勞歸功於一班好拍檔：「呢場係大家嘅功勞，推高過情緒，好自然咁流露感情。」

她指出拍喊戲絕不簡單：「喊戲唔係剩係喊到出嚟就得，你仲要令到觀眾感受到有層次、高低同快慢，所以要拿捏個情緒非常準確，先可以表達到當時個氣氛。」她認為演員一定要把握好角色的內心世界，加上拍檔之間的互相推動與配合，整場戲才會好看。