私家車行車中倒後鏡驚現蜈蚣 乘客嚇到狂叫 網民提醒：通常一對一雙出現

網絡近日熱傳一段驚悚影片！有網民分享自己駕駛私家車期間，突然發現左邊倒後鏡上竟然有一條大蜈蚣在不斷爬行，嚇得車內乘客當場失控尖叫，事後上載影片並留言詢問廣大網民：「揸下車俾你發現到，你會點做？」。

從流傳的影片可見，當車內人員目擊倒後鏡上有大蜈蚣爬行時，全車人嚇得瘋狂大叫，場面十分激動。期間有乘客擔心司機受驚分神影響駕駛，即時提醒說：「你睇前面得嚟啦，我幫你影咗嚟啦！」，車內同時傳出「好大條」、「好恐怖呀，黐線」等驚呼聲。

這段影片隨即吸引大批網民圍觀，有網民笑言大蜈蚣是在「搭順風車」，打趣留言：「搭車要畀錢」、「叫佢轉數快」。

不少網民指畫面極度恐怖，直言：「咁大條嘅！」、「好恐怖」。更有大量內行網民留言警告車主必須即時處理，提醒指：「通常見到1條，都會有寶，可能喺車啲罅隙入邊，留意下車天花、冷氣風口位、腳踏位」、「唔係嚇你，蜈蚣通常都係一對一雙咁出現，呢條都好大條，盡快處理」，亦有網民指倒後鏡與車身互通：「識返入去個鏡殼到，可能喺入面生 BB，鏡同車身係互通的，隨時入埋車籠」，提醒車主防範隱患。