《中年好聲音4》亞軍許雲妮發長文感性剖白 估唔到入三甲自嘲黑馬

《中年好聲音 4》圓滿落幕，獲得亞軍殊榮的許雲妮在經過足足一星期的沉澱與整理後，終於在社交平台發表長文分享獲獎心情，感性吐露這一年來的追夢心路歷程！

許雲妮在帖文中坦言，自己經過一萬個星期的沉澱，終於正式接受自己成為《中年好聲音 4》亞軍的事實。她感嘆表示，當初報名參賽時的目標其實非常純粹，就是希望能站上啟德的舞台，而經過足足一年的努力後，自己終於做到了！她強調，能夠完成這個夢想絕非憑一己之力，特別感激家人、老公、小朋友以及馬來西亞的兄弟姊妹：「如果冇你哋，我根本冇機會喺呢個年紀，仲可以去追尋呢個夢想。」同時她亦向 TVB 台前幕後所有照顧與鼓勵過她的工作人員表達謝意。

回顧整個比賽過程，許雲妮直言自己仍有很多不足之處，當初甚至從未想過能夠一路殺入三甲：「真係憑着天時地利人和，先令我呢隻黑馬突然跑咗出嚟。」除了再次表達感恩，她亦誠摯感謝一班評審以及主持車婉婉給予的評語和鼓勵，並特別向每一位投票支持她的粉絲致謝。

對於獲得大批歌迷喜愛，許雲妮更展現出幽默可愛的一面，自嘲笑言：「我其實唔知你哋點解會鍾意我，可能係因為我唱歌好聽？可能係因為我化咗妝比較靚？又或者係因為我講嘢好搞笑！」不過她隨即認真承諾，在往後的日子裡一定會更加努力，絕不辜負大家的期望。最後，她感性總結：「《中年好聲音》呢個旅程雖然告一段落，但屬於『許雲妮』嘅音樂路先啱啱開始。希望大家繼續陪住我行落去，見證我嘅成長。我會繼續加油，用更好嘅歌聲去回報大家對我嘅愛！多謝你哋！」