死有對証｜護理系出身陳曉華首演法醫 韋家雄自爆解剖豬肝「臭過垃圾站」

TVB新劇《死有對証》將於下周一（7日）隆重首播，陳曉華與韋家雄在劇中飾演法醫，並聯手飾演警察的馬貫東一同破案。陳曉華飾演患有強迫症的熱血P牌女法醫「程芷昕」，而韋家雄則飾演「毒舌老油條上司」林琛，二人首次合作擦出不少火花，備受觀眾期待。

首次挑戰飾演法醫的陳曉華，在劇中有不少解剖場口。由於她本身修讀護理系出身，這些內容對她而言相當熟悉。她接受 tvb.com 獨家訪問時表示，求學時已對解剖學深感興趣，因此即使要面對解剖內臟也完全沒有問題：「我完全接受到，因為以前讀書嘅時候，我哋係睇解剖學人體嘅骨，所以我唔覺得核突嘔心，就算血淋淋都冇嘢，因為呢啲都係醫護系嘅範疇。」她更形容在解剖室拍攝的10天裏非常投入與專心，過程感到十分開心。

不過，最令她難忘反而是拍外景時不幸發燒的經歷：「有次出外景期間突然發高燒，嗰日都好攰，但我拍緊嘅時候好投入喺個角色入面，所以拍嘅時候冇咩嘢，我睇番啲片都覺得狀態唔錯呃到人，同埋嗰日好感激大家照顧我。」她又大讚團隊非常熱血，雖然外景道具繁多需要不停收拾，但憑着大家的投入與熱血，讓整個拍攝過程一點也不覺得辛苦。

同樣是首次飾演法醫的韋家雄則坦言，劇中涉及大量資訊性的專業對白對他而言頗具難度：「因為有好多專有名詞，我都係死背盡量記，好彩都冇乜NG。」

談到劇中需要解剖豬肝、豬肺等內臟，韋家雄笑言豬肝的味道最為「難頂」：「我已經戴咗膠手套，但一摸都已經好臭，所以我拍嘅時候盡量要閉氣，簡直係愈拍愈臭，比垃圾站更臭。」他更笑稱拍完這些解剖戲後，「廠有支火酒都畀我用晒」。

此外，韋家雄提到最辛苦的一場戲，是需要穿上全套防護衣落場挖屍：「因為嗰場戲講發現有山埃，所以我哋要着晒防護衣、戴眼罩同口罩，由頭包到落尾，加上天氣好熱，我都中咗兩次暑，之後都要休息一陣再拍。成個感覺好似拍緊潛水戲，吸完一大啖氣就要即刻講晒啲對白，所以嗰場令我好深刻。」