蔡少芬53歲生日孖張晉沙漠睇日落 歎二人世界放閃：陪我23個生日

蔡少芬（Ada）與張晉結婚18年，二人育有兩女一子，一家五口幸福美滿。9月17日蔡少芬喜迎53歲生日，夫婦倆今次撇下子女出埠共度二人世界慶祝。蔡少芬亦在社交平台上載了一輯靚相！相中可見，老公張晉將她緊緊攬入懷中，二人在沙漠中欣賞日落、飲香檳以及面貼面甜蜜放閃，畫面唯美浪漫。

蔡少芬亦感性發文：「我太開心！去沙漠，睇日落、睇月亮、睇星星，同我愛人一齊！講講過去、現在、將來！真係！可以睇到恩典⋯才滿足！兩個人心連心手拖手拍拍照、玩。 仲流下幸福嘅眼淚多謝你陪我23個生日！一切都係恩典！我！感覺！嗯！ 」字裏行間滿滿都是幸福與恩愛。

圈中人緣甚廣的 Ada 亦獲毛舜筠、李亞男、鄭希怡、周家怡、賈靜雯、吳雨霏等人留言祝賀。而好姊妹陳法蓉（Monica）更晒出為 Ada 慶生的合照，並深情留言：「相識多年，見證你所有的歡笑與感動。願你永遠鮮活熱烈，平安喜樂，一家人幸福美滿。歲歲年年，我都在。」姊妹深情同樣羨煞旁人！