黃翠如揭剖腹產子與「瘤」共存 陀B赴巴黎做奧運主持每日打安胎針

黃翠如近日作客由賴慰玲主持的節目《健康誠諾書》，首度揭露自己長期飽受子宮肌瘤困擾，並分享由懷孕初期到剖腹產子，一段「與瘤共存」的驚險經歷，感人過程引發熱議！

翠如憶述去年以「特派專員」身分赴巴黎奧運採訪時，原來當時已經懷有身孕。她表示：「因為之前嘅經歷，我唔想同任何人分享，包括家人。那一刻只係同醫生分享，醫生說不要緊，你照樣帶備安胎針，每日我都幫自己打一針。」

其實翠如自小已受嚴重痛經折磨，中學時期更曾兩次因痛經需要叫救護車送院，當時她誤以為「個個女仔都差唔多」，一直將痛經視為理所當然。

豈料到了懷孕後期，胎兒的尺寸停止成長，反而體內的子宮肌瘤卻不斷長大。入院待產檢查胎心時，翠如坦言醫護人員檢查了一個多小時都默不作聲，讓她頓感異樣：「我意識到係有啲嘢，但係佢哋又唔講。」

最驚險的莫過於開刀剖腹的一刻！翠如透露：「佢哋話 BB 心跳唔正常，佢懷疑係我情緒影響 BB，我開刀嘅時候，醫生話我成個肚入面都發緊炎，好多好似割（開）嘅傷口，子宮肌瘤有好多好粗嘅血管圍住。」幸好最後醫生小心翼翼避開血管，順利將寶貝兒子「蕭哈哈」平安取出。

不少網民看完節目後，紛紛留言感嘆母愛的偉大：「巧感動嘅一集，媽媽好偉大、哈哈要錫多啲媽咪」、「聽到你話做奧運嘅時候帶埋安胎針去幫自己打，媽媽真係好偉大好勇敢！」