馬路驚現「無人駕駛」？私家車司機駕駛期間低頭玩手機 網民轟危險：舉報佢啦！

行車期間竟然雙手離開軚盤低頭玩手機？網絡熱傳一段短片，有網民於旁邊車道直擊一名私家車司機，在車輛行駛途中竟雙手完全放開軚盤，旁若無人地下頭專注「撳電話」。

網上流傳的片段所見，當時私家車正在道路上行駛，惟坐在駕駛座的司機並未有雙手握緊軚盤，反而雙手拿着手機並不斷低頭操作。

影片隨即引起大批網民熱議，大批網民直指此類行為是釀成交通意外的元凶，怒斥：「點解愈來愈多串燒，咪就係呢啲人通街係囉。舉佢啦！」；不過亦有網民可惜拍片者未有拍下車牌，無奈留言：「你影埋個車牌就有用啫，單單影佢玩手機咩都無，叫人點做呀」、「建議你下次影埋車牌」。

部分網民推測司機可能啟動了自動輔助駕駛系統，但紛紛指出相關系統並非完全無人駕駛，強調：「AP其實都要雙手渣軚」、「ap要雙手掂住，不過香港法律上，係可以入到，但車牌又無，地點又無，時間又無」、「以為開AP就大晒？」