陳煒飛韓國慶祝結婚4周年 甜蜜影人生四格照 爆老公最驚喜見到呢樣：Honey I love you forever

圈中模範夫妻陳煒（煒哥）與醫美醫生老公陳國強（Aldous）一直恩愛如昔！日前（26日）正是兩人結婚4周年的大日子，兩口子特意飛到韓國旅行慶祝，煒哥更在社交網大放閃光彈！

煒哥在社交網大晒多張甜蜜合照，相中見到煒哥化身小鳥依人，甜蜜地依偎在老公的肩膀上，流露出幸福的笑容。她更公開向老公發表愛的宣言：「9月26號，我哋結婚四周年啦，雖然唔算好耐，但係往後日子仲有好長，放心我會繼續陪你去茶餐廳食早餐，得閒接你放工，同你睇戲，煮好嘢俾你食，講得出就做得到，因為我係你最錫嘅老婆，Honey I love you forever！」字裏行間充滿着貼地的浪漫，令人超羨慕！

除了愛的宣言，慶祝的佈置亦非常花心思！桌上擺放了插有數字「4」蠟燭的蛋糕、兩人的Q版手繪畫像、美麗的鮮花，仲有可愛的恐龍與Miffy毛公仔，旁邊更放置了代表紀念日的「926」日期積木，儀式感滿分。

煒哥接受 tvb.com 獨家訪問時，更開心 share 兩人在韓國的甜蜜點滴。她透露今次行程主打「Free Style」，行到邊食到邊：「每年結婚周年都會去旅行慶祝，所有嘢都冇特別去plan。」兩人除了緊貼潮流去影「人生四格照」之外，煒哥更大爆老公的童真一面：「最驚喜係老公喺聖水洞發現有龍珠館，佢玩得好開心！」