車婉婉陪伴愛兒參加學校水運會 夫妻躲草叢打氣仔仔斬獲4面獎牌

車婉婉與老公婚後育有愛兒 BBQ，一家三口向來溫馨幸福。近日，車婉婉在社交平台上分享了多張生活花絮照，透露仔仔學校一年一度的水運會盛事再度舉行，而她亦笑言自己迎來了「追星」的大日子！

車婉婉透露，比賽當日天氣極之炎熱，陽光十分猛烈。不過，因為獲得囝囝 BBQ 親口邀請到場打氣，身為廿四孝父母的二人隨即「乖乖聽話」。為了爭取最佳視角，夫妻倆更特意走入草叢裡面，隔著玻璃默默支持愛兒。看著小朋友們在比賽中全情投入，婉婉亦不禁感嘆大家的努力都沒有白費，場面十分熱血。

在父母的落力打氣下，BBQ 今年亦不負眾望，於水運會中大豐收，一口氣贏得四面獎牌！見證愛兒大躍進，車婉婉坦言與老公都感到十分欣慰，更感性地在帖文中寫下長文勉勵 BBQ：

「一年一度學校水運會又嚟啦！🏊🏊🏻‍♂️🏊🏻‍♂️ 又係Q MaMa『追星』嘅大日子🎉🎉🎉 比賽當日雖然係好曬同好熱，但係由於BBQ先生親口邀請MaMa PaPa到現場打氣，所以我哋都好乖好聽話，走入草叢𥚃面搵個靚位支持，隔住玻璃都睇到小朋友們十分投入，大家的努力都沒有白費，好熱血呀🔥🔥🔥 BBQ先生今年得了四面奬牌🥰MaMa & PaPa感到十分之欣慰，而佢亦深深明白到所有事情都係要用時間和努力去取得好成績嘅❤️ MaMa 一定盡力陪伴你、鼓勵你❤️ 我哋一齊Keep住好心態，有信念，低下頭默默努力，就會進步架啦💪🏻💪🏻💪🏻 加油呀BBQ！You can do it! 🔥🔥🔥」