荃灣貨車未閂櫃門行駛 突然打開險掃路牌 網民轟馬路炸彈

網絡瘋傳一段車Cam影片，直擊荃灣一輛貨車疑未閂好車門便開車，過程險象環生。後方車Cam主目擊全程，不停長按喇叭響咹提示，但貨車司機初時並未為意，繼續如常前行，車門更在行駛期間慢慢完全打開。

片中所見，貨車的櫃門向外甩開，當車輛駛至一個寫有「急症室」的路牌旁時，大開的櫃門差點便會直接擊中路牌，情況極度危險。所幸司機最終及時察覺並停車，才未有釀成道路意外。

影片隨即引發大批網民熱烈討論。發布影片的樓主無奈直言：「CXs 移動炸彈 勁危險 我嗰下係完全呆咗着」。網民亦紛紛留言表達關注，有網民諷刺險撞路牌的一幕，留言笑指「比佢拍中啱啱好轉左去A&E」。另有網民批評相關人員疏忽，留言指：「都唔知跟車嘅問題，定係司機自己本身問題，開車前兜個圈望下有冇鎖門/手推車未擺上車係基本常識」。亦有網民對比今昔行業風氣，感嘆：「以前上一輩的貨車司機專業好多！真係用心工作！跟足操守！覺得貨車司機係一種好好的職業」。