吳若希為6歲細仔搞Pokemon主題生日派對 兒子旋風式成長遺傳搞笑天分

吳若希（Jinny）與老公Alex婚後育有一對子女，家庭生活溫馨幸福。轉眼間細仔「搏啜」迎來6歲生日。3日，Jinny在社交平台上載短片，特別為寶貝仔舉辦了一個Pokemon主題生日派對，好友麥美恩、丁子朗、胡鴻鈞亦有出席，場面溫馨熱鬧！

依片可見，派對佈置充滿Pokemon元素，包括精美的生日蛋糕、氣球等一應俱全。吳若希夫婦更陪仔仔一同以Cosplay造型上陣，現場歡樂滿載！Jinny笑言多得上次家姐6歲生日派對的實戰經驗，令她今次信心大增。見到仔仔旋風式成長，她亦忍不住感嘆：「點解呢個人仔可以大得快？！變得又sweet又搞笑，果然生仔都係似阿媽～天生諧星。不過見到你笑得咁開懷、咁純粹，就覺得所有心機都係值得嘅。願你繼續健康快樂、無憂無慮咁長大，帶住你嘅好奇心同勇敢，去收服屬於你人生嘅每一隻『小精靈』！屋企人永遠都係你最強大嘅後盾」！

網民及圈中好友紛紛送上祝福，不少人亦被仔仔帥氣外型吸引，留言大讚：「搏啜好韓feel ~」、「佢越大越靚仔。。。你要有心理準備佢會比其他女仔錫啦」。