葉蒨文生日會獲粉絲還原《愛·回家》經典場面 自爆大頭蝦遺失證件

藝人葉蒨文（Sophie）於昨日（27日）迎來生日，一眾忠實粉絲日前特地為她舉辦生日會祝賀，並將現場影片上載至社交平台。相中可見，葉蒨文當日身穿一襲粉紅色優雅連身裙，頭戴精緻皇冠，襯托出高貴大方的優雅氣質，非常吸睛；而男友曾展望（GM）亦有到場一同慶賀。

葉蒨文接受 tvb.com 獨家訪問時表示，對粉絲的用心安排感到極之感動。她感性地分享：「粉絲真係好有心，首先有啲係韓國、荷蘭同埋新加坡飛返嚟，跟住又有啲喺內地搭幾個鐘車過嚟又幫手佈置同埋安排，我好感動呀，頻頻撲撲，希望佢哋嚟好好休息返！」 提及生日會最難忘的環節，她笑言是粉絲們發揮創意演搞笑劇場，甚至特意租場還原《愛·回家》Candy 的服飾與經典對白。

TVB娛樂新聞台

至於與生日相近的男友GM，葉蒨文透漏二人暫時未交換禮物。二人原本打算一齊前往日本東京旅遊，但因抽不出時間而未能成行。她表示：「我哋兩個之前都互相送咗好多嘢俾大家，既然都冇乜嘢想要，我哋費事浪費金錢，所以話下次去日本嘅時候先交換大家嘅生日禮物，到時揀一份互相送俾大家仲有意義，不過佢都送咗花俾我。」

談到生日正日，葉蒨文原本預訂了內地酒店慶祝，可惜因一時粗心大意遺失了身份證及回鄉證而未能前往。她坦言雖然起初有些失落與自責，但性格樂天的她很快便收拾心情，最後在香港平淡享用平時常吃的椰子雞火鍋。她滿足地表示：「琴日平平淡淡都好開心，其實就算生日搞到好大都係曇花一現嘅事，最緊要心中富有，多謝身邊愛錫我嘅人，希望佢哋全部都幸福、健康、快樂。」