璀璨之城｜陳瀅情不自禁偷吻陳曉華遭拒絕 全網睇到心碎 親爆主動要求導演「錫耐啲」

台慶劇《璀璨之城》自播出以來話題不斷！陳瀅飾演的霍佩樺與陳曉華飾演的郭芷媛，二人之間錯綜複雜的羈絆與深厚情誼，一直令大批觀眾大喊動容。昨晚（2日）劇情更迎來全劇最激動人心的一幕的回憶片段中，佩樺趁芷媛酒後酣睡之際，終於按捺不住壓抑已久的深情獻上偷吻，將二人的感情線推向最高潮！

劇情講到，芷媛送出一條精美項鍊並親自為佩樺戴上，見佩樺拿出手機，芷媛更親暱地與她面貼面合影，互動甜度爆表！隨後，喝到微醺的芷媛閉上雙眼休憩，看著對方可愛的醉顏，佩樺再也無法克制內心澎湃的情感，溫柔且情不自禁地吻了上去。

然而，一心一意鍾情官孝賢（张智霖 飾）的芷媛被驚醒後即時推開對方，靜默數秒後眼泛淚光，溫柔卻殘酷地婉拒：「Sorry，我有鍾意嘅人，我哋永遠都係好朋友，可唔可以？」佩樺雖然眼濕濕滿心失落，表面仍抱以溫柔一笑點頭回應。二人將彼此珍視卻又深怕失去對方的內心掙扎演繹得極為到位，大批觀眾狂讚：「佢哋係成套劇最 Pure 嘅 CP！」、「眼神同情緒都演得好深情，睇到心痛！」

談到這場與陳曉華（Hera）的親吻重頭戲，陳瀅接受 tvb.com 獨家訪問時親爆事前已經十分期待：「因為我一直未試過呢類型嘅戲，所以拍之前有好多幻想同埋唔同嘅諗法，不過導演就建議我哋處理得簡單純粹啲。」

二人私下向來老友鬼鬼，阿瀅笑指拍攝時 Hera 其實有點害羞：「因為角色講我係主動、佢係被動，但我哋事前都有充分溝通，好似到時我會點樣摸你塊面、點樣錫落去。」阿瀅更搞笑大爆自己向導演爭取「延長吻戲」：「初頭導演話錫一下就得，但我話唔好啦，想錫耐少少！最終大家都攞到個平衡，呢段戲我真係拍得好享受！」