夫妻的博弈｜郭柏妍流產虐心戲睇喊網民 攬BB鞋痛哭自爆代入媽媽角色：我都唔知喊咗幾耐

《夫妻的博弈》正式踏入結局周，日前播出一集，飾演雪文（Sherman）的郭柏妍迎來極具挑戰性的虐心戲份。她在劇中不幸失足導致胎兒不保，其崩潰爆喊的破格演出，獲大批觀眾激讚演技大躍進。

劇情講述 Sherman 不慎失足流產，大受打擊的她竟然借意將失去 BB 的責任嫁禍到幸如（高海寧飾）身上。不過謊言最終被其親母沈淑冰（黎燕珊飾）當眾拆穿，令 Sherman 陷入絕望邊緣。

最令觀眾揪心的一幕，莫過於 Sherman 在醫院得知痛失胎兒後的真實反應。她情緒激動地不斷反問醫生：「你Check清楚未呀？」更崩潰得掩着耳朵，拒絕接受這個殘忍的事實。Rosita 完美演繹出失去親生骨肉的撕心裂肺，令觀眾睇到極度心噏。隨後一幕，她在房內獨自對住一堆 BB 用品，緊緊攬着 BB 鞋難過落淚，場面令人鼻酸。

這兩場超催淚的虐心戲播出後，郭柏妍的亮眼表現火速引發網民熱議。大批觀眾紛紛留言大讚她對情緒拿捏得相當準確：「Rosita 喺呢套劇嘅表現真係幾好」、「冇咗 BB 嗰幕我都睇到眼濕濕」、「Rosita 啲戲真係進步咗好多」！

談到這幕備受讚賞的痛失胎兒戲，郭柏妍接受 tvb.com 獨家訪問時坦言印象非常深刻：「拍完之後我都有好心痛嘅感覺，我都唔知自己喊咗幾耐，感覺好辛苦。我記得嗰排特登睇好多 BB 嘢，社交平台一開全部都係有關 BB 嘅資訊，令自己更加代入做媽媽嘅感覺。」

她剖白指擁有 BB 令雪文這個角色成長了不少：「佢一直都好想要個屋企，因為佢來自單親家庭又冇屋企人，『家』對佢嚟講係非常重要。所以當佢失去嘅時候，係非常痛心，又內疚自己令到個 BB 冇咗。」

郭柏妍續指在房內收拾 BB 用品的一幕同樣令她心痛不已：「當我摸到 BB 嘅床、鞋同衫嘅時候，已經好容易進入角色嘅情緒，我直頭係喊到鼻水都流埋出嚟。」